Ráðgjöf
Vertu velkomin/nn og við hlökkum til að vinna með þér.
Guðný Finnsdóttir
01
Þjónusta
Gæðakerfi
Er allt eins og það á að vera?
Með því að innleiða gæðakerfi er ábyrgð skilgreind, vinnubrögð samræmd, stuðlað að stöðugum umbótum og frávik koma í ljós. Við höfum verkefnastýrt fjölda gæðahandbóka sem hafa nýst við nýliðaþjálfun og auðveldað aðgengi að upplýsingum.
Launakerfi
Er kynbundinn launamunur til staðar?
Við höfum starfað á sviði launamála í meira en tíu ár og tryggt fyrirtækjum og stofnunum af öllum stærðum og gerðum góðan árangur í úttektum faggiltra úttektaraðila á vottuðum jafnlaunakerfum.
Innri úttektir
Er unnið samkvæmt útgefnum ferlum?
Við höfum mikla reynslu af því að framkvæma innri úttektir og getum aðstoðað þig við undirbúning fyrir úttektir á vottuðum gæða-, jafnlauna- og stjórnunarkerfum. Góð innri úttekt er lykillinn af því að ytri úttektir ganga vel.
Margvísleg stjórnunarráðgjöf og yfirgripsmikil þekking
Stofnað 2016
Goðhóll ehf. var stofnað af Guðnýju Finnsdóttur árið 2016. Guðný eða „Gýja“ eins og hún er ávallt kölluð er með yfirgripsmikla reynslu sem ráðgjafi og hefur stýrt fjölmörgum verkefnum á sviði jafnlauna-, breytinga- og gæðastjórnunar fyrir bæði stofnanir, fyrirtæki og félagasamtök. Gýja er menntaður viðskiptafræðingur með meistaragráðu í stjórnun og stefnumótun ásamt því að vera útskrifaður grafískur hönnuður og starfaði sem slíkur í sjö ár. Hún hefur jafnframt lokið námi í straumlínustjórnun.
Ólafur Þór Hauksson héraðssaksóknari
Innleiðing jafnlaunakerfis
„Samstarf Goðhóls og embættis héraðssaksóknara reyndist embættinu ákaflega vel. Utanumhald og skipulag verkefna var með miklum ágætum og veitti Guðný sem hefur yfirgripsmikla þekkingu á jafnlaunastaðlinum embættinu góð ráð og hvatti það áfram. Héraðssaksóknari hlaut jafnlaunavottun í október 2019“.
Erla Ósk Pétursdóttir mannauðsstjóri Vísir hf.
Undirbúningur fyrir vottun
„Það var frábært að vinna með Guðnýju að jafnlaunavottuninni. Hún hefur mikla þekkingu á jafnlaunastjórnun og það auðveldaði okkur að finna hvernig kerfi myndi henta okkur best, og röggsemi og skilvirkni hennar gerði það að verkum að öll vinna varð mjög markviss og árangursrík. Ég gef Guðnýju óhikað mín bestu meðmæli“.
Ólöf Friðriksdóttir mannauðsstjóri Samgöngustofu
Gæða- og jafnlaunakerfi
„Samgöngustofa fékk Guðnýju með sér í lið að uppbyggingu jafnlaunakerfis stofnunarinnar, frá fyrstu skrefum til jafnlaunavottunar. Guðný hefur yfirgripsmikla þekkingu á gæða og jafnlaunamálum. Það var einstaklega gott að vinna með Guðnýju, hún er lausnamiðuð, með mjög nákvæm vinnubrögð, skipulögð og með mikla fagmennsku í sínum stöfum. Við hjá Samgöngustofu erum afskaplega ánægð með samstarfið og þá ráðgjöf sem Guðný veitti okkur“.
